Sonoaire

son no aire, son nás rúas, música na cidade…

Seis concertos que se celebrarán o sábado 24 de xuño de 2017, nun día cheo de música no que as rúas e prazas da vila se convertirán en escenarios dunha xornada inesquecible.

Os artistas convidados serán Caramuxo Vermello (Redondela), Raúl & Cía (Pontevedra), Soul & Roll (Ourense), Denova (Vigo), The Hendersons (Vigo) e RedOnBlack (Vigo), que farán vibrar aos asistentes a través de diversas propostas e unha gran variedade de estilos, orientados dende o público infantil ata a música disco, pasando polo pop, o rock, a rumba e o jazz.

Todos os artistas contan cunha gran experiencia musical avalada por centos de actuacións ao longo de Galicia.